Работната седмица во Македонија ќе започне со променливо облачно време. Попладне и во вечерните часови на повеќе места ќе биде нестабилно со повремени врнежи од дожд, локално пообилни и поројни (над 20 l/m2), проследени со појава на грмежи. Ќе дува засилен до силен ветер од јужен правец (над 70 km/h).
Утринските температури се движат меѓу 4 и 10 степени, додека максималните соодветно ќе бидат во интервалот од 7 до 18 Целзиусови степени.
Во Скопје и околината денеска ќе биде променливо облачно, попладне и во вечерните часови со врнежи од дожд. Во делови од котлината врнежите повремено ќе бидат поројни, проследени со појава на грмежи. Ќе дува засилен ветер од југоисточен правец. Температурата ќе достигне до 17 степени.
