Времето во петокот во Македонија ќе биде променливо облачно, од пладневните часови и попладне на повеќе места ќе биде нестабилно со пороен дожд, грмежи и засилен ветер.
Локално процесите ќе бидат поинтензивни со пообилен дожд за кратко време, почести електрични празнења и појава на град.
Утринската температура се движи од 9 до 16, а максималната дневна ќе достигне од 22 до 30 Целзиусови степени.
УВ-индексот ќе изнесува 6.
Во Скопје ио околината денеска ќе биде променливо облачно, околу пладне и попладне ќе биде нестабилно со повремен пороен дожд, грмежи и засилен ветер, а ќе има и услови за поинтензивни процеси и појава на град.
Утринската температура се спушти до 13, а дневната ќе достигне до 29 Целзиусови степени.
До недела продолжува периодот на променливо облачно и нестабилно време, претпладне со почести сончеви периоди, околу пладне и попладне со локален пороен дожд, грмежи и засилување на ветерот. На места процесите ќе бидат поинтензивни со пообилен дожд за кратко време, почести електрични празнења и појава на град.
Во понеделник ќе дува засилен северен ветер. Температурата во следните денови нема значително да се менува.
