Во Македонија во понеделник претпладне ќе биде сончево со мала до умерена облачност. Попладне, пак, ќе преовладува нестабилно со локален пороен дожд, грмежи и засилен ветер, на места во форма на невреме со силен ветер и услови за изолирана појава на град.
Утринските температури се движат од 8 до 16, а максималните дневни соодветно ќе бидат во интервалот меѓу 18 и 28 Целзиусови степени.
Во Скопје и околината претпладне ќе биде сончево со умерена облачност, а попладне во делови од котлината ќе биде нестабилно со пороен дожд, грмежи, засилен ветер и услови за изолирана појава на град. Температурата ќе достигне до 27 степени.
