Протестот беше испровоциран од скандалот со тајно снименото видео во кое се покажува вице-премиерот Хајнц-Кристијан Штрахе
Илјадници луѓе се собраа за протест во центарот на Виена со барање да се одржат нови избори, откако Владата на Австрија беше погодено од корупциски скандал, информираат светските агенции.
Учесниците во демонстрациите пред зградата на кабинетот на канцеларот Курц постојано се зголемува и до 16 часот по македонско време, според податоците на полицијата беа веќе 5.000. Собирот е мирен, но е многу бучен.
Протестот беше испровоциран од скандалот со тајно снименото видео во кое се покажува вице-премиерот Хајнц-Кристијан Штрахе, како изгледа да нуди државни договори во замена за политички услуги на Ибица во 2017 година.
Претходно денес, Штрахе си поднесе оставка.
На демонстрациите присуствуваат претставници на Социјалдемократската партија, која по изборите во 2017 година доброволно премина во опозиција поради нискиот рејтинг, поддржувачи на партиите „Нова Австрија“, „Листа Петер Пилц“ и „Зелените“.
Коалициската влада на конзервативната Австриска народна партија (АНП) и десничарската Австриска партија на слободата (АПС) положи свечена заклетва во декември 2017 година по парламентарните избори. Во нив победи АНП, а АПС се пласираше на третото место со најдобар резултат од пред 15 години, потсетуваат агенциите.