Актерката Брук Шилдс за прв пат проговори за тоа како била сексуално нападната во раните дваесетти години на 20-от век. Таа ја сподели својата приказна во документарниот филм од два дела „Прити бејби: Брук Шилдс“, кој беше прикажан на филмскиот фестивал Санденс.
Иако актерката не сакала да каже за кого станува збор, очигледно е дека го познавала напаѓачот.
– Ова е прв пат да зборувам за тоа што ми се случи – расплакално рече актерката во документарецот.
Во моментот на нападот, детската ѕвезда сакаше да ја рестартира својата актерска кариера.
– Вечеравме. Мислев дека тоа е деловен состанок. Ја познавав оваа личност од порано и таа секогаш беше добра со мене. Но, расположението на вечерата брзо почна да се менува. Реков дека ќе се возам со такси, но добив одговор „вратете се во хотелот, ќе повикам такси“ – изјави Шилдс.
Во хотелската соба веќе било доцна за каков било отпор, бидејќи се плашела за својот живот.
Како што раскажала за време на нападот, таа целосно се „одвоила од телото“ и го опишала тоа искуство со снимањето на љубовна сцена во филмот „Бескрајна љубов“ кога имала 15 години.
Кога нападот завршил, нејзиниот напаѓач не ни признал што се случило.
– Следно што се сеќавам, вратата е отворена. Се симнувам со лифтот. Се возам со такси и плачам се до станот – изјавила Брук.
Таа рече дека преку писмо се соочила со својот напаѓач и дека мора сама да се зајакне, бидејќи системот не и помогнал. Иако мислеше дека никогаш нема да ја раскаже оваа приказна, движењето #MeToo ја инспирираше.
Филмот во режија на Лана Вилсон го зема својот наслов од филмот на Луис Мал од 1978 година Pretty Baby, драма за млада проститутка која ја игра тогаш 11-годишната Брук Шилдс. Во филмот таа се бакнува со тогаш 29-годишниот актер Кит Карадин, а исто така се појавува гола.
Документарецот кој и донесе овации во Санденс зборува и за опсесијата на медиумите со нејзината невиност, алкохолизмот на нејзината мајка и нејзиниот прв брак со тениската ѕвезда Андре Агаси.
– Мојата лична порака е издржливост и да не дозволувајте да станете жртва во очите на едно општество или една индустрија – изјави таа за Франс прес пред премиерата на филмот на фестивалот Ссанденс.
