Портпаролот на Талибанците тврди дека по 20 години тие ги протерале странци и дека ова е момент на гордост!
„Нашиот план беше да застанеме пред Кабул откако ќе ги преземеме сите други провинции, но за жал претходната влада беше толку неспособна што нивните сили не можеа да обезбедат безбедност во Кабул и затоа моравме да направиме нешто. Сакаа да провалат во куќите, малтретираат луѓе и крадат и затоа влеговме во Кабул, за да се осигураме дека Кабул е безбеден град“, рече портпаролот на Талибанците на прес -конференција.
„По 20 години борби, ја еманципиравме земјата и ги протеравме странците. Ова е момент на гордост за целата земја”, изјави портпаролот на Талибанците, Забихула Муџахид, кој првпат се појави пред камерите.
„Ние ги гарантираме сите права на жените според шеријатското право. Жените можат да работат во образованието и здравството. Ако меѓународната заедница е загрижена, нека знаат дека нашите жени ќе ги имаат сите права според шеријатскиот закон. Нашите жени се муслимани и мора да го почитуваат шеријатското право”, рече портпаролот.
„Кога станува збор за медиумските активности, тие мора да знаат дека медиумите мора да бидат непристрасни, но ништо во нив не смее да биде против исламските вредности, кои се многу важни за нас. Медиумите не треба да работат против националното единство, не треба да промовираат поделби, тие треба да работи на единството на земјата“, рече портпаролот.
„Сакаме да се осигураме дека нема повеќе војна во Авганистан. Ние им простивме на сите што се бореа против нас. Непријателствата мора да престанат. Не сакаме надворешни или внатрешни непријатели”, рече портпаролот.
