Првата делница од проширениот и реконструиран булевар „Трета македонска бригада“ во Општина Аеродром денес ќе биде пуштена за сообраќај.
Со градежните активности за проширување и обнова на улицата „Трета македoнска бригада“ прераснува во булевар.
Реконструкцијата се одвива од крстосницата со булеварот „Србија“ до крстосницата со улицата „Никола Карев“. Градежните работи во првата фаза го опфатија делот до улицата „Фрањо Клуз“.
Со проширувањето на првата делница долга 1.243 метри, се добиават четири коловозни ленти, по две во секоја насока и средишно зеленило.
Градот Скопје, според најавата, во проширувањето и обновата на „Трета македонска бригада“ вложува 133 милиони денари.
На свеченоста е најавено присуство на градоначалникот на Град Скопје Коце Трајановски.
