Првиот потпретседател на Владата и министер за животна средина и просторно планирање, Изет Меџити, престојува во официјална посета на Соединетите Американски Држави, каде на покана на Атлантскиот совет ќе учествува на 9. Состанок на министри посветен на Централната и Источна Европа на Конференцијата за енергетска безбедност.
Првиот вицепремиер Меџити ќе биде еден од главните говорници на Панел-дискусијата на тема „Трансатлантската политика за трговијата, енергетиката и климата, по изборна година“.
За време на престојот во Вашингтон, првиот вицепремиер Меџити ќе се сретне со претставници од државите учеснички на овогодинешната Конференција на Атлантскиот совет.
