Аргентинскиот напаѓач Мауро Икарди ова лето го напушти Интер и одлучи кариерата да ја продолжи во дресот на ПСЖ.
Од Интер го отпишаа Икарди уште во март оваа година и беше јасно дека летоска ќе го напушти клубот. Аргентинецот тоа го направи во самиот финиш на летниот преоден рок и замина на едногодишна позајмица во ПСЖ.
Икарди синоќа одигра одличен натпревар во дербито против Марсеј и успеа да постигне два гола во победата од 4:0. После натпреварот аргентинскиот напаѓач гордо рече дека ПСЖ е најдобриот тим до сега во кој настапил.
„Среќен сум поради своите голови и победата вечерва. Играв за големи клубови во својата кариера, но овој тим на ПСЖ е најдобрата екипа со која сум играл. Се чуствувам одлично и знам дека можам да постигнам уште многу голови.“ – изјави Икарди.
Икарди во досегашниот дел од сезоната во дресот на ПСЖ одигра седум натпревари и постигна исто толку погодоци.
