Позицијата на ПСЖ во случајот со Мбапе изгледа очајно, тие сакаат да го продадат, но се пишуваше дека тој е подготвен да отседи уште една сезона во францускиот тим, а потоа да замине беспари.
Сепак, не е се така очајно за ПСЖ. „Л’Екип“ пишува дека во клубот се свесни дека Килијан Мбапе планира да игра на Европското првенство и на Олимписките игри следното лето.
Плановите тешко дека ќе му се остварат доколку ПСЖ го исфрли од тимот и тој ја отседи целата сезона на трибини.
Доколку нема натпревари, Франција нема да го повика ниту за Европско, ниту за Олимпијада. Мбапе го знае тоа и ако се обиде да го избегне, ПСЖ ќе биде во ќар.
Јасно е дека Реал Мадрид ќе биде следен клуб на Мбапе. ПСЖ бара начин како да го продаде сега на кралскиот клуб и да заработи на неговото заминување.
