Рускиот претседател Влаздимир Путин изјави денеска дека новите санкции од Запад против Русија воведени се со намера да се попречат напорите за воспоставување мир во Украина и оти Москва разгледува контрамерки.
Во изјава по состанок на Шангајската организација за соработка, Путин нагласи дека санкциите делуваат како „малку чудно“, од аспект на мировниот процес.
– Кога ситуацијата се движи кон мирно решение, се повлекуваат потези со намера да се попречи мировниот процес, изјави Путин во главниот град на Таџикистан.
– Уверени сме одамна дека санкциите како инструмент на надворешната политика, не се ефикасни и практично никогаш не даваат резултати. Исто така и политиката на санкции нанесува извесна штета дури и на оние што ги спроведуваат, додаде тој.
