Во рација спроведена во два локала во тетовско приведени се 22 девојки кои нелегално работеле како пејачки и танчерки.
Од Министерството за внатрешни работи информираат дека денеска во раните утрински часови е спроведена рација во две тетовски локали. „Кораби“ во село Горно Седларце сопственост на 36-годишниот З.Л. од Тетово и во „Желина“ во село Желино во сопственост на 33-годишниот Ш.И и 22-годишниот М.Ф. и двајцата од Желино.
Според полициските информации во првиот објект биле затекнати и приведени седум девојки од Албанија и една од Бугарија, додека пак во вториот локал затекнати се шест албански и осум македонски државјанки.
Сите девојки, кои претежно биле ангажирани како пејачки и танчерки заедно со сопствениците на објектите се приведени и задржани во тетовската полиција.
По расчистувањето на случајот ќе следи и соодветен поднесок.
