Претседателот Румен Радев обезбеди втор петгодишен мандат по убедливата победа во вториот круг од претседателските избори, покажуваат резултатите од излезните анкети. Гласањето се одржа со најниска излезност во историјата на вториот круг – околу 33,7 отсто.
Радев, кој го поддржаа БСП, победникот на парламентарното гласање пред една недела, „Промените продолжуваат“, „Има таков народ“ и „Исправи се. БГ,Ние доаѓаме!“, доби 63,9 отсто од гласовите. Анастас Герџиков, поддржан од ГЕРБ и индиректно од ДПС, освои 33,1 отсто, покажуваат податоците на Агенцијата за истражување Алфа.
Според агенцијата, околу 3 отсто од гласачите кои излегле на гласање рекле дека не одобруваат ниту еден кандидат, забележувајќи во гласачкото ливче „Не поддржувам никого“. Овие гласови се бројат само за излезноста.
Податоците не ги вклучуваат резултатите од гласовите од странство.
