На европските берзи индексите пораснаа во четвртокот претпладнето, по два дена пад, при што најмногу пораснаа цените на акциите на производителите на чипови.
Индексот STOXX 600 на водечките европски акции во првиот пресек во претпладневното тргување часот порасна за 0,5 отсто, враќајќи дел од загубите од претходните два дена.
Истовремено, лондонскиот FTSE индекс зајакна за 0,20 отсто, на 8.290 поени, додека франкфуртски DAX се зголеми за 0,50 отсто, на 19.360 поени, а париски CAC за 0,37 отсто, на 7.170 поени.
Цените на акциите на производителите на чипови претпладнев пораснаа најмногу, по веста дека ограничувањата на Белата куќа за извозот на чипови со вештачка интелигенција можеби не се толку строги како што некои очекуваа.
А на азиските берзи се тргува внимателно. MSCI индексот на азиско-пацифичките акции беше во истиот период од тргувањето како и во Европа речиси непроменет во однос на вчерашниот ден. Истовремено, на токиската берза индексот Nikkie зајакна за 0,6 отсто, додека цените на акциите во Јужна Кореја и Австралија пораснаа меѓу 0,1 и 0,5 отсто. Во Шангај и Хонгконг, пак, тие паднаа меѓу 0,4 и 1,2 отсто.
Азиските пазари се претпазливи откако новоизбраниот американски претседател Доналд Трамп најави дека штом ќе влезе во Белата куќа ќе ги зголеми царините на кинескиот увоз за 10 отсто, а на мексиканскиот и канадскиот за 25 отсто.
Ова ги зголеми стравувањата од нова трговска војна меѓу Кина и САД, како што беше за време на првиот мандат на Трамп. Инвеститорите стравуваат дека некои други земји во регионот и одредени сектори, како што е автомобилската индустрија, ќе бидат цел на Трамп.
Затоа инвеститорите не беа особено охрабрени од неочекуваната одлука на јужнокорејската централна банка да ги намали каматните стапки за 0,25 процентни поени.
