Растот на швајцарската економија забрза во вториот квартал, благодарение на зајакнувањето и на индустрискиот и на услужниот сектор, се вели во првата проценка на швајцарската статистичка агенција.
Бруто домашниот производ (БДП) порасна за 0,5 отсто во последниот квартал, во однос на претходниот квартал, покажуваат проценките на Федералното биро за статистика, по растот од 0,3 отсто во првиот квартал.
„Индустријата најмногу придонесе за нешто побрз раст. Севкупно порасна и услужниот сектор“, соопшти Заводот за статистика.
Најновите податоци би можеле да ја поттикнат Швајцарската национална банка (SNB) дополнително да ги намали каматните стапки оваа година.
Сепак, креаторите на монетарната политика ќе бидат повеќе заинтересирани за движењето на домашната побарувачка. Овие податоци ќе бидат објавени за три седмици како дел од целосната анализа на БДП.
„Очекуваме растот на реалниот доход да ја поддржи потрошувачката, додека умерениот економски раст во еврозоната треба да го поттикне швајцарскиот извоз“, вели Адријан Претејон, аналитичар во „Capital Economics“.
