Супер тајфунот Јаги го погоди брегот на северен Виетнам во саботата, убивајќи едно лице, по Кина каде загинаа три лица, а околу дваесет на Филипините, според новите официјални извештаи.
Разорен тајфун напладне по локално време го погоди брегот на северните провинции на Виетнам, откорнувајќи илјадници дрвја и однесувајќи бродови, објави VNExpress.
Метални покриви и билборди летале низ градот Хаифонг поради силните ветрови и силниот дожд на тајфунот. Според државните медиуми, маж загинал во провинцијата Хаи Дуонг откако силните ветрови урнале дрво.
„Не сум видел толку силен тајфун со години“, изјави за AFP Тран Ти Хоа, 48-годишен жител на Хаифонг.
Пред налетот на копното, тајфунот откорна стотици дрвја на островот Ко То. Силниот ветер однесе покриви на неколку деловни згради, училишта и домови.
Според локалните власти, ова е најсилниот тајфун регистриран на островот во последните децении. Премиерот на Виетнам Фам Мин Чин ги повика локалните власти да ги евакуираат жителите од опасните области.
Четири аеродроми на северот на земјата, вклучително и меѓународниот аеродром во главниот град Нои Баи, беа затворени, а превозот е забранет од петокот.
