Разрешениот директор на струшкиот затвор Арменд Шаќири ќе биде нов директор на новоформираното струшко јавно претпријатие Паркови и Зеленило, објави порталот СДК.
Одлуката поминала на Советот на општина Струга.
Шаќири за медиумите демантираше дека бил дел од криминална група осомничена за трговија со оружје и дрога.
„По наредба на Основниот суд имаше контрола во затворот и јас дадов исказ, но не како осомничен, туку како управител одговорен за установата“, изјави Шаќири за Телевизијата 24.
Извори од МВР потврдуваат дека Шаќири сè уште е под истрага.
