Шпанските разузнувачки служби предупредуваат дека во Европа има дури 800 џихадисти, регрутирани од т.н.Исламска држава или Ал Каеда и кои се бореле во Сирија и Ирак, а сега подготвуваат напади низ Европа.
Сите тиа, како што наведуваат шпанските служби, чекаат инструкции. Во Европа се вратилеи 350 Британци од боиштата во Сирја и Ирак и се голема закана за Британија.
Овие џихадисти се слабо обучени и подготвени, но проблем е што се подготвени на се’. Поминале низ минимален тренинг, но се со испрани мозоци и ќе направат се што ќе им наредат претпоставените, кажал анонимен разузнувач за „Тајмс“.
Овие џихадисти се слабо обучени и подготвени, но проблем е што се подготвени на се’
Исто така, весникот наведува дека многу екстремисти биле под надзор, но во меѓувреме им се изгубила трагата. Најдобар пример за тоа е Мароканецот кој го нападна возот на рутата Амстердам-Париз. Шпанските власти знаеле за него, но го изгубиле кога отпатувал во Сирија.
По тој инцидент и претседателот на Франција Франсоа Оланд признал дека неговата земја има проблем.
Нападот на возот е најдобар доказ дека мора да се подготвиме за идни акции на терористите, посочи Оланд.
И шпанскиот министер за одбрана Франциско Мартинез е изненаден колку малку време му треба на младо момче да стане џихадист.
Овие момчиња многу брзо стануваат следбеници на ИСИС, а веќе за некоку недели се фанатици. Местата за нивно врбување одамна се познати – џамии и интернет, додава Мартинез.
Тој воедно сепофали дека Шпанија и Мароко во заедничка операција заробиле 14 осомничени лица за соработка со ИСИС. Наводно, врбувале луѓе да се придружат на џихадисти и да одат на тренинзи во камови во Сирија и Ирак.
Во меѓувреме, објавено е ново видео на ИСИС во кое се прикаѓува момче како со нож му ја отсекува главата на мече-играчка.
