Белградскиот весник Политика во изданието од вторникот анализирајќи ја одлуката на Бугарската православна црква да прифати да ја застапува Македонска православна црква -охрдиска архиепископија пред другите помесни цркви заради утврдување на канонскиот статус, пишува дека ги „возбуди“ црковните кругови во Белград, а истовремено во Софија изјавуваат дека БПЦ нема да дејствува еднострано во случајот со македонската црква.
Во врвот на СПЦ неофицијално изјавиле дека се „изненадени со одлуката на Бугарската патријаршија и се надеваат дека Синодот во Софија ќе остане на линија на канонскиот поредок на црквата, со оглед на тоа што Охридската архиепископија на чело со архиепископот Јован Вранишковски, по неодамнешната пресуда на Европскиот суд за човекови прашања во Стразбур, е законска канонска црква на тоа подрачје.
За СПЦ само Охридската архиепископија на Вранишковски е канонска црква во Македонија
Пишувајќи опширно за следот на настаните на релација меѓу МПЦ и БПЦ и одлуката на Синодот на БПЦ, весникот повикувајќи се на извори од „врвот на Српска православна црква“ (СПЦ) пишува дека Светиот архиерејски синод на СПЦ вчера имал редовна седница, на која на маргините се расправало и за настаните во Бугарија.
Како што пишува Политика, во врвот на СПЦ неофицијално изјавиле дека се „изненадени со одлуката на Бугарската патријаршија и се надеваат дека Синодот во Софија ќе остане на линија на канонскиот поредок на црквата, со оглед на тоа што Охридската архиепископија на чело со архиепископот Јован Вранишковски, по неодамнешната пресуда на Европскиот суд за човекови прашања во Стразбур, е законска канонска црква на тоа подрачје.“
„На православниот народ во Македонија не му се скратени никакви права. Тој факт е потврден не само со канонското право, туку и според највисоките правни акти на Европската Унија“, напоменуваат изворите на „Политика“ од СПЦ.
Пишувајќи за одлуката од Стразбур и за реакцијата на ПОА на Вранишковски, Политика повикувајќи се на нејзините неименувани соговорници потсетува дека „СПЦ ја издала потврдата за автономија на Охридската архиепископија, преку акт потпишан од покојниот патријарх Павле и целиот собор на СПЦ, што е потврдено и од Васеленската патријаршија во Цариград.“
Врз основа на Нишкиот договор од 2002 година помеѓу СПЦ, и како што пишува белградскиот весник, „канонско непризнатата МПЦ“ македонските епископи прифатиле да се вратат во канонско единство со СПЦ, но по враќањето во Македонија ги повлекле потписите“.
Историчарот д-р Александар Раковиќ од Институтот за најновата историја на Србија, за Политика изјави дека „со формирањето на власт на Зоран Заев во Скопје, дошло до будење на бугарофилските струи во сите структури на општеството, па така и во МПЦ“.
Опишувајќи ја хронологијата на настаните во Македонија и изјавите во македонските медиуми, Раковиќ за Политика констатира дека „потегот на МПЦ е противканонски, незрел и не помага кон решавањето на проблемот“.
Според него, и потегот на БПЦ е противканонски, бидејќи БПЦ како автокефална црква нема никакво канонско право да ја застапува МПЦ, која е во раскол со СПЦ, со што одлуката на БПЦ е мешање во внатрешните односи на Патријаршијата во Белград.
Според Политика, во потегот на МПЦ треба да се бараат и политички мотиви, бидејќи Бугарија од 1-ви јануари 2018 година го презема претседавањето со ЕУ, а официјално Скопје се надева дека тогаш конечно ќе ги отвори преговорите за членство во ЕУ, пренесува МИА.
БПЦ ќе настојува да биде симната шизмата од МПЦ и да прекине расколот
Целта на Светиот синод на БПЦ е да биде укината расколот од Македонската православна црква и да се опорави евхаристиската заедница со останатите помесни цркви, изјави за БНТ, Западно и Средноевропскиот митрополит Антониј.
„Не смее на процесот и да се гледа само од страна на БПЦ, бидејќи нашата црква ја донесе својата одлука, за да може навистина да има помирување со останатите православни помесни цркви, да се помогне за кананскиот статус на МПЦ, за да излезе од овој раскол и да се опорави евхаристиската заедница со останатите помесни цркви. Тоа е најважно, бидејќи оваа црква веќе долги години страда од оваа изолација. Ние сме должни на барањето од нив помош да прифатиме “, рече митрополитот Антониј.
Посочи дека веќе е формирана комисија, која ќе разговара сите детали со слична комисија, емитувана од МПЦ и истакна дека одлуката на Светиот синод е јасна. Тука се вклучува две третини од членовите на Синодот – осум митрополити, претседател е Старозагорскиот митрополот Кипријан. Токму оваа комисија ќе се сретне прво со таква комисија, која веќе ја има од Македонската православна црква, “каде ќе можеме да конкретизираме и да ги прецизираме деталите од нивните барања, та да можеме сите ние да одиме и да се застапубваме пред сите помесни православни цркви со јасни и специфични барања од МПЦ. Оттаму чекајте ги своите одлуки “, рече митрополитот.
„Водени од нашиот долг, покажувајќи ја христијанската љубов Светиот синод ја донесе својата одлука во соработува со помесните православни цркви за утврдување на канонскиот статус на Македонската православна црква”, рече.
Тоа е единственото канонско решение, не треба да се гледа еднострано и под притисок, не може само еднострано да ја признаеме автокефалноста на МПЦ, беше категоричен митрополит Антониј.
„Ако го направиме тоа, постои опасност сами да попаднем под раскол, а со оваа опција нема како да им помогнеме на МПЦ. Треба да се апстрахираме од крајни националистички чувства “, објасни тој.
„Светиот Синод, исто така, ќе се консултира со каноните и историчарите за ова прашање, така што односите помеѓу МКЦ и другите локални православни цркви можат успешно да се завршат. Шизмата а ја воведе српската црква. Во моментов се одржуваат разговори меѓу двете цркви, но српската треба да го тргне расколот “, рече Митрополитот Антониј.
