Маринадата со соја сос и мед на пилешкото месо ќе му даде посебна сочност и вкус.
Состојки:
¼ филџан мед
1/3 филџан соја сос
½ лажичка црн бибер
4 чешниња лук, изгмечени
Лажица рендан ѓумбир
4 шницли пилешко бело месо со средна големина
Подготовка:
- Промешајте ги сите состојки освен пилешкото и ставете ги во кеса за замрзнувач;
- Во кесата ставете го и месото. Промешајте се заедно и ставете ја кесата во фрижидер неколку часа, а најдобро е ако може да ја оставите и цела ноќ:
- Маринираното пилешко ставете го на плех обложен со алуминиумска фолија и печете го во рерна загреана на 200 степени, околу 45 минути.
- Маринадата не се фрла. Додека пилешкото месо се пече, маринадата можете да ја загреете на рингла, па со неа да го премачкувате пилешкото на секое 10-тина минути додека се пече.
