Оние видови на тешко проблематични типови, кои можат да бидат поделени во неколку категории како (нарцисоидни егоисти, психопати, манипулативни гадотии…) ќе работат на тоа да ви го скршат духот, да ве уценат, понижат, и да ви ја уништат самодовербата.
Тие се плашат да не ве изгубат и тврдат дека ве сакаат, и од нивна гледна точка тоа е исто, па секоја тактика им е дозволена да се осигураат дека ќе останете со нив. Тие се доволно насетуваат што би можела да биде љубов, да се повикуваат на неа кога манипулираат со вашите чувства и сметаат на вашата соработка.
Ако тој или таа изговараат некоја од следните реченици, не го игнорирајте овој предупредувачки знак и добро размислете за тоа со кого имате работа и колку ризикувате со продлабочување на таквиот однос.
Зошто некој друг би бил со тебе, освен заради сексот? Тоа е порака дека немате што да понудите и дека треба да сте благодарни за она што тој го сака и што ве зема под негова заштита – сите други само ќе сакаат да ве искористат.
Па што, како да е тоа некоја голема работа! Тој ја омаловажува секоја добра и благородна работа што сте ја направиле за него, исто како што го намалува значењето на некоја грубост, злоба, лага и предавство.
Ма, ти си луда! Не, нема ништо сомнително во неговото однесување, туку, вие сте луди, претерувате, драмите и сè друго што прават лудите жени, кога точно знаат дека нешто не е во ред и се сомневаат сосема оправдано.
Ќе се убијам ако ме оставиш
Отворената уцена знае да биде многу делотворна. Ќе ве држи на краток поводник, сметајќи дека вие сметате на неговата непресметливост. А тоа ќе трае сè додека не ви стане сосема сеедно што ќе стори или колку ќе ве посрамоти, зашто ништо не е толку страшно и понижувачко како неговиот терор.
Гледаш што си направила, ме присили …
Ваша е вината, ако тој е лут, вие сте го принудиле да ве удри (и полошо од тоа) тој е очаен што морал така да постапи, но немал избор, вие не сте биле добра девојка, не сте го послушале и ете ви сега, погледнете што сте направиле. Имате работа со опасен лудак, бегајте, спасувајте се.
Не ме лути
Отворена манипулација со сопственото лудило. Знаете што ќе се случи кога тој е лут и вие сте виновни што го лутите. Тој не е толку луд, колку вие сте жртва на својот страв.
Ако ме сакаш, ќе го сториш тоа за мене
Ќе се согласиш на секс со некои негови пријатели на кои тој им должи пари? Бидејќи неговите барања се доста невообичаени и тој ја поставува равенката на целосна закана. Што ќе се случи, ако не направиш она што бара, и ако тоа значи дека не го сакаш? Тој ќе биде многу тажен или многу лут, а ти ќе бидеш виновна за тоа, бидејќи кога ќе го растажиш и налутиш, тој е подготвен на сѐшто и не одговара за своите постапки.
Мојата поранешна секогаш го правела тоа вака …
Од секс до местење постелнина – тој се обидува од вас да ја создаде својата поранешна, односно ве тера да се однесувате по моделот кој го усвоил, и кој единствено може да го прифати. Тој дури и не знае која сте вие и не му е гајле, му треба модел за кој е приврзан, вие само го пополнувате празното место и тој сака да ве научи како тоа се прави.
Не сакаш да бидам среќен
И ова обично е следено со некое понижувачко барање од кое ви се гади, одбивно ви е, ве плаши и ве збунува. Него навистина го прават среќен и го восхитуваат чудните ствари, а вие сте единствениот инструмент со кој тој доаѓа до нив. Се служи со вас како со вилушка кога забодуе во сочно парче месо, вашите чувства воопшто не го интересираат, освен што сака да завладее со вас, за да бидете употреблив инструмент.
Не можеш ти да бидеш сама, премногу си слаба
Ова многу вешто е насочено кон вашата слаба точка. Тој знае дека се плашите дека ќе останете сами и дека никој друг нема да ве сака и дека осаменоста ќе биде неверојатна и незамислива за вас. Вие не мора да бидете сами, психопати има колку што сакате и се лепат за вас. Но, затоа би било многу конструктивно некое време да бидете сами смислено и намерно и да се соочите со своите стравови, и да откриете дека осаменоста е помалку ужасна отколку врската со манијак.
