Реизборот на Урсула фон дер Лајен на функцијата претседател на Европската комисија (ЕК) стана трагична епизода во историјата на Западна Европа, изјави портпаролката на руското Министерство за надворешни работи, Марија Захарова.
Taa истакна дека руската мисија во ЕУ веќе ја коментираше „оваа трагична страница во западноевропската историја“.
„Да резимирам, можам да кажам дека, за жал, навистина едноставно не е можно да се очекува ништо добро за стабилноста и благосостојбата на жителите на земјите-членки на ЕУ, згора на тоа, за демократијата и слободата, вклучително и прашањето за безбедноста, како резултат на конфронтирачкиот однос на Урсула фон дер Лајен“, нагласи Захарова.
Според дипломатот, фон дер Лајен е „посветен поддржувач на максимизирање на американската контрола врз европскиот континент“.
„Таа е, исто така, главниот гласноговорник на русофобната политика што моментално ја води Европската унија. Ова ги вклучува повиците да се инвестира сè повеќе во сферите на одбраната и безбедноста во ЕУ, во создавањето на таканаречената одбранбена унија која претпоставува дека е уште подлабоко потчинување на НАТО во иднина и поддршка за нацистичкиот режим на Банковаја (Кабинетот на претседателот на Украина), додаде таа.
На 18 април, Европскиот парламент ja избра фон дер Лајен за претседател на Европската комисија за втор мандат. Таа собра 401 од 720 гласови. На седницата и десната и левичарската опозиција ја критикуваа дека не ги исполнила обврските во првиот мандат, ја уништила европската економија и не преземала мерки против сиромаштијата.
