Се очекува Американците да постават нов рекорд на патувањата за Денот на благодарноста, со речиси 80 милиони луѓе кои ќе тргнат на пат, ќе фаќаат летови и се качат на крстарења во периодот на одмор, објави во понеделникот туристичката групација ААА.
Околу 1,7 милиони луѓе повеќе ќе патуваат оваа година меѓу вторник 26 ноември и понеделник 2 декември во споредба со истиот период во 2023 година.
Иако недостигот од персонал и авиони ја ограничија способноста на авиоиндустријата да го зголеми капацитетот за време на празниците во претходните години, се очекува рекорден број Американци да летаат до нивните дестинации оваа година.
Резервациите на меѓународни летови се зголемени за 23 отсто во споредба со ланскот Ден на благодарноста, според ААА.
ААА предвидува дека рекордни 71,7 милиони луѓе ќе патуваат низ целата земја, што е зголемување за 1,3 милиони во однос на минатата година.
Падот на цените на нафтата би можел да помогне да се намали националната просечна цена на бензинот под 3 долари за галон, првпат од 2021 година.
Скоро 2,3 милиони луѓе се очекува да патуваат со други начини на транспорт, вклучително и автобус, што е зголемување од 9 проценти од 2023 година и скок од 18 проценти од 2019 година, според ААА.
Ова во голема мера се должи на зголемената популарност на крстарењата, бидејќи резервациите за домашни и меѓународни крстарења се зголемени за 20 проценти во споредба со минатиот Ден на благодарноста.
Железничкиот оператор Амтрак соопшти дека превезувал повеќе од милион патници од 18 до 26 ноември 2023 година и очекува повеќе од тоа оваа година, наведе портпаролот.