Републиканците ќе ја задржат контролата над Претставничкиот дом со најтесна разлика, објавија американските медиуми во четвртокот, давајќи им на новоизбраниот претседател Доналд Трамп и неговата партија сета моќ во Вашингтон.
Републиканците го освоија Претставничкиот дом по победата во Аризона и Калифорнија, давајќи им ги потребните 218 места за да обезбедат мнозинство во долниот дом на Конгресот.
Конгресот под контрола на републиканците ќе му овозможи на Трамп брзо да го пополни својот кабинет и другите главни позиции во администрацијата и да ја унапреди својата програма најмалку во следните две години.
Ова претставува тежок удар за демократите, кои сега практично нема да имаат контрола над Трамп, човекот за кого предупредуваа во текот на кампањата дека е „закана за демократијата, екстремист и фашист“.
Републиканците сега имаат контрола врз Белата куќа, Сенатот и Претставничкиот дом, што им овозможува непречено и целосно да ја спроведуваат агендата на Трамп.
