Заменик министерот за образование и наука, Спиро Ристовски на својот Фејсбук профил објави дека станува збор за инвестиција вредна 23 милиони денари со која, учениците од ова училиште ќе добијат модерен спортски објект со површина од 650 квадратни метри, целосно опремен за реализација на повеќе спортови – кошарка, мал фудбал, ракомет, одбојка, гимнастика и пинг понг.
Дополнително, салата ќе можат да ја користат и локалните спортски рекреативци, како и спортските клубови за тренинзи, но и за професионални натпревари.
Ристовски информираше дека согласно планот за работа, активностите ќе бидат целосно заокружени на почетокот на 2018 година.
