Фудбалерите на Рома се првите финалисти во Лига Европа откако во реванш полуфиналниот дуел одиграа против Баер во Леверкузен со 0:0 и на тој начин ја одбранија предноста од 1:0 од првиот натпревар.
Статистиката беше целосно на страната на германскиот тим, кој имаше дури 23 удари кон голот, шест внатре во рамките, но ниту една топка не заврши во мрежата. Избраниците на Жозе Мурињо имаа само еден удар, па дури и тоа беше непрецизно.
Жозе Мурињо, кој минатата сезона со Рома го освои првото издание на конференциската лига на УЕФА, ќе има можност да ја освои Европската лига на 31 мај во Пушкаш арената во Будимпешта, против победникот од дуелот меѓу Севиља и Јувентус.
