Романските воени претставници најавија дека државата ќе купи баталјон тенкови Абрамс од САД, со што Букурешт ќе стане трет корисник на тој тип тенкови во Европа, по Полска и Украина.
Според порталот Балканска безбедносна мрежа, одлуката на Букурешт се заснова на заклучоците од анализата на Министерството за одбрана за итната модернизација на оклопните единици, која е во тек од минатата година, пренесе Бета.
Во потесниот круг се најдоа „M1 Abrams“, германски „Leopard 2“ и јужнокорејски „К2 Panther“.
„Abrams е најдоброто средство со уникатни карактеристики за извршување задачи“, изјави началникот на Генералниот директорат за вооружување, генерал Теодор Инкикас.
Тој не прецизираше колку тенкови од тој модел ќе се купат и во која верзија, но се претпоставува дека ќе ги има 54, што е стандарден број оклопни возила за единица на ниво на баталјон.
