Рускиот фонд за директни вложувања (РФПИ), кој заедно со московскиот научен институт „Гамалеја“ учествуваше во развојот на вакцината против Covid-19, очекува препаратот „Спутник V“ до крајот на оваа седмица да биде регистриран во 25 земји, изјави претседателот на фондот Кирил Дмитриев во понеделникот за првиот канал на јавниот сервис.
„До крајот на седмицата очекуваме дека 25 регулатори, односно 25 земји, ќе ја одобрат нашата вакцина“, рече Дмитриев.
Додаде дека руската вакцина „Спутник V“, којашто одобрувањата ги доби од рускиот регулатор уште кон средината на август 2020 година, досега е одобрена од 19 странски регулатори. Тоа се Белорусија, Аргентина, Боливија, Србија, Алжир, Палестина, Венецуела, Парагвај, Туркменистан, Унгарија, Обединетите Арапски Емирати, Иран, Република Гвинеја, Тунис, Ерменија, Мексико, Никарагва и Република Српска (во Босна и Херцеговина), како и Либан и Мјанмар.
Референтното научно списание The Lancet минатиот вторник ги објави резултатите од третата фаза на клиничкото испитува на вакцината „Спутник V“. Според рецензијата од независни експерти, оваа вакцина е делотворна кај 91,6 отсто од симптоматските форми на Covid-19.
„Производствтоо на вакцината Спутник V беше критикувана поради нејзината брзина, желбата да се дојде до резултат и недостигот од транспарентност. Но резултатите објавени тука се јасни и докажана е научната втемелноста на вакцината“, оценија двајцата британски експерти, професорите Јан Џонс и Пили Рој во рецензијата на студијата во The Lanset.
Во минатата студија објавена, исто така, во The Lancet, беше наведена ефикасност од окоу 95 отсто на „Спутник V“, но беше критикувана за нетранспарентност. Тогаш, руската страна појасни дека станува збор за податоци кои може да се достават доверливо до експерти кои ќе ја изведат стручната рецензија.
Сега ова се првите целосно потврдени разултати за ефикансноста на вакцината и ги потврдуваат почетните тврдења на Русија, кои научната заедница, политичките кругови и медиумите на Западот, минатото лето ги дочекаа со сомневања и критики дека станува збор за желба за политичка промоција на руските власти.
Според овие резултати, „Спутник V“ е меѓу најефикасните вакцини против Covid-19, покрај вакцините на „Pfizer/BioNTech“ и на „Moderna“ со колу 95 отсто ефикасност, кои се засноваат на новата технологија mRNK, односно молекула на рибонуклеаинската киселина која носи информација, со која организмот се поттикнува да создава еден од вирусните протеини со кој потоа организмот се поттикнува на развој на имунолошки одговор.
Руската вакцина „Сутник V“ е вакцина со ткн „вирусен вектор“, односно основата се други вируси кои се направени неопасни и прилагодени врз сузбивање на коронавирусот. Станува збор за добро позната и проучена платформа која е користена и во правењето на вакцината која ја развија англо-шведска фармацевтска компанија „AstraZeneca“ и Универзитетот Оксфорд која е ефикасна 60 отсто.
Но за разлика од вакцината на „AstraZeneca“ којашто се темели на аденовирусот на шимпанзо, руската „Спутник V“ користи два различни човечки аденовируса за секое од двете инјектирање на вакцината. Како што наведува неговиот производител московскиот научен институт „Н.Ф. Гамалеј“, фактот дека за довакцинирањето користи поинаков аденовирус отколку кај првата првата доза, може да поттикне подобар одговор.
Последните седмици сѐ почести се барањата Европската агенција за лекови (ЕМА) што поскоро да ја започне постапката за одобрување на „Спутник V“, имајќи ги предвид проблемите со логистиката и производството на одобрените американски вакцини кои бараат далеку посложени услови за транспорт и складирање од минус 60 до минус 80 Целзиусови степени, додека рускиот препарат е одржлив на теператури во обичен ладилник.
