Приклучувањето на Украина во НАТО е директна закана за безбедноста на Русија, рече Путин во обраќањето до нацијата по што го потпиша указот за признавање на Доњецк и Луганск.
Тој додаде дека влезот на Украина во НАТО не веднаш, туку нешто подоцна, не менува ништо за Русија.
„Го знаеме ставот на Соединетите Американски Држави – дека борбите во источна Украина не го исклучуваат влезот во НАТО. Повторно се обидуваат да не убедат дека НАТО е чисто одбранбена алијанса.
„Повторно предлагаат да го земеме нивниот збор, но многу добро знаеме која е вистинската цена на таквите зборови“, рече Путин.
„Контролните системи на украинските вооружени сили веќе се директно интегрирани во НАТО, а Алијансата почна да ја освојува територијата на Украина, додаде Путин.
„Тоа значи дека командата на украинските вооружени сили, дури и поединечни одреди и единици, може да се извршува директно од штабот на НАТО. „САД и НАТО бесрамно почнаа да ја развиваат територијата на Украина како потенцијално бојно поле“, посочи тој.
Путин рече и дека Западот испраќа оружје во Украина без прекин, додека странските инструктори ја менаџираат целата ситуација на теренот. „Командата на украинската армија може да се изврши директно од седиштето на НАТО“, нагласи тој.
Зборувајќи за плановите за прашањето за нуклеарното оружје во Украина, Путин рече дека тоа радикално ќе ја промени ситуацијата во светот, со што Русија ќе биде принудена да реагира.
Тој исто така рече дека Киев може да го направи нуклеарното оружје многу полесно од некои други земји, особено поради технолошката поддршка од странство.
Телевизиското обраќање Путин го започна со историска лекција за настанувањето на Украина и пораката дека Украина „е создадена од Русија, од комунистичка Русија“.
„Денешна Украина целосно основано може да се нарече ‘Украина на Владимир Илич Ленин’, тој е автор и архитект,“ изјави Путин.
Рускиот претседател порачува дека и покрај овие факти, по распадот на СССР, Русија и нејзиниот народ ги признал и помагал новите држави. Тој ги потсетува и дека Русија ги исплатила сите долгови на Украина, додека Киев го користи дијалогот со Русија за ценкање со Западот.
Путин потсетува на времето на обединувањето на Германија, кога Западот дал ветување дека нема има никакво ширење на исток од Германија, што очигледно се нарушува. Во меѓувреме Русија ги исполнува сите обврски преку повлекување на својата војска од Источна Германија и Источна Европа, како дел од олеснувањето на товарот од Студената војна.
Тој дури и признава во 2000-та на затворен состанок го прашува Клинтон како САД би реагирале кога Русија би се приклучила кон НАТО, на што добил многу воздржана реакција.
