Рускиот претседател Владимир Путин потпиша закон за суспензија на поедноставеното издавање визи за граѓаните на повеќето европски земји, јавуваат руските агенции, како одговор на мерките на „непријателските земји“
Законот предвидува суспензија на визното олеснување за неколку категории граѓани на ЕУ, Данска, Исланд, Лихтенштајн, Норвешка и Швајцарија, вклучително и новинари и официјални делегации, наведува РИА Новости.
Агенцијата Интерфакс прецизира дека со Законот се воведува визен режим за имателите на дипломатски пасоши, а се укинуваат и визните привилегии за членовите на официјалните делегации, националните и регионалните влади и парламенти, уставните и врховните судови, како и за новинарите од споменатите земји.
Москва претходно ја најави оваа мерка како одговор на дејствијата на, како што се наведува, „непријателските земји“. Русија ги означува како непријателски државите кои и воведоа санкции поради нејзината воена интервенција во Украина, пренесува Танјуг.
