Рускиот суд го замрзна имотот на локалната филијала на Рајфајзен банка (“Raiffeisen Bank International” – RBI), објави најголемата западна банка во Русија. Портпаролот на банката рече дека потегот на рускиот суд отфрла продажба и истакна дека тоа нема да влијае врз нејзиното работење.
– Сe уште можеме да го именуваме раководството и да им даваме инструкции на Русите, но не можеме да ја продадеме банката – изјави тој.
RBI вели дека нивните операции обезбедуваат спас за стотици компании во Русија.
Ова најголемо замрзнување на средства на западна банки во Русија претставува дополнителна ескалација на конфликтот меѓу Москва и Западот.
