Русија не успева да ја добие поддршката што ја бара од земјите на БРИКС, изјави денеска портпаролот на Европската комисија како одговор на прашање поврзано со состанокот во Казан.
Портпаролот додаде дека тоа ја покажува меѓународната изолација на Москва.
-Состанокот беше обид на (рускиот претседател Владимир) Путин да го злоупотреби руското претседавање со БРИКС за да се надмине меѓународната изолација, рече портпаролот.
Според него, во генералната декларација усвоена на состанокот нема единствен став за војната во Украина.
-Декларацијата од Казан не се однесува на нас. Санкциите на ЕУ се засноваат на правни одлуки според сегашното законодавство, рече портпаролот.
