Руските сили ги заземала четирите места Красногоровка, Григоровка, Галицинивка и Додјаноеје, на рабните области на источниот украински регион Доњецк каде доминантното руско и рускојазично население прогласи независност по превратот во Киев во 2014 година, објави во вторникот руското Министерство за одбрана.
„Како резултат на решителните акции на единиците на Јужната групација војски ослободени се населените места Крсногоровка и Григоровка“, се вели во објавата на Москва, чијашто веродостојност не може да се провери од независни извори, но ги потврдува објавите од претходните денови на руски и украински воени блогери во врска со ситуацијата во споменатите места.
Красногоровка е важен логистички центар за одбраната на украинските вооружени сили во Доњецк. Таму, покрај концентрација на големо индустриско производство, лоцирани беа и базите на украинските единици во кои се санираа оштетените украински борбени оклопни возила. Со падот на оваа локација, се смета дека украинските сили ја изгубиле можноста за поправки на оштетените тенкови и пешадиските борбени возила и транспортери во близина на главната линија на фронтот.
Галициновка, пак, е на пет километри источно од место Украинск и три километра југозападно од Карловка. Нејзиното заземање, доколку биде потврдено, ќе им овозможи на руските единици настапување кон Украинск од исток.
Руската војска активно напредува во Донбас, поширокиот регион во југоисточна Украина, изјави поранешниот министер за одбрана а сега секретар на Советот за безбедност Сергеј Шојгу во интервју за ТВ каналот Россия 24. Според него, во август и првата седмица од септември биле заземени речиси илјада квадратни километри територија, што претставува значително забрзано напредување на руските единици отколку што тоа се случуваше во изминатите 30 месеци од војната.
Шојгу рече дека украинскиот упад во руската погранична област Курск, кој започна на 6-ти август, имала цел да ја подобри преговарачката позиција на Киев и да ги одврати руските сили во Донбас.
„Имаме доволно сили, ја продолжуваме офанзивата“, рече Шојгу додавајќи дека украинската армија во одреден период губела од строј и до 2.000 војници дневно, загинати или ранети.
И западни извори посочуваат дека последните седмици руските трупи напредуваа низ регионот на Доњецк во правец на Покровск, стратешкиот логистички центар на Украина. Русија во понеделникот соопшти дека нејзините сили го зазеле селото Мемрик, на околу 24 километри југоисточно од Покровск, што е напредување во правец на опкружување на овој транспортен јазол
