Руската дипломатија со Западот е во режим на управување со кризи и е фокусирана на обидот да се осигура дека тензиите нема да се прелеат во конфликт од целосен обем, изјави рускиот заменик-министер за надворешни работи Сергеј Рјабков во интервју за новинската агенција ТАСС објавено во петокот.
Според Рјабков, безбедносните гаранции што Русија ги бараше и разговараше со Западот во 2021 година веќе не се релевантни и Москва нема доверба во воената алијанса на НАТО.
„Мислам дека сега не е релевантна работата за формализирање на одредени безбедносни гаранции во форма на договори за кои се разговараше во 2021 година. Нашето рангирање на приоритетите, вклучително и сферата на гарантирање на сопствената безбедност и формирање постабилна рамка за овие напори, целосно се промени (од 2021 година)“, изјави Рјабков за ТАСС.
„Она што се случува во западниот правец сега, пред сè, е задача на армијата. Дипломатијата во оваа област функционира, би рекол, во режим на кризен менаџмент и контрола врз спречувањето на лизгање во навистина големи конфликти“, додава дипломатот.
