Руската хакерска група „NoName057(16)“ ја презеде одговорноста за сајбер нападите врз хрватските финансиски институции.
Меѓу нападнатите институции се Министерството за финансии, Даночната управа, Хрватската народна банка и Загрепската берза.
На списокот на мети не е загрепскиот клиничко-болнички центар, кој исто така беше цел на хакерски напад во четвртокот, поради што пропадна целиот систем на болницата.
„Имаше сајбер напад врз дел од државната ИТ инфраструктура. Како резултат на тоа, страниците на Даночната управа беа всушност недостапни. Службите веднаш реагираа и истиот беше поправен и нормално функционира. Сега ќе треба да се утврди форензиката какви се можните последици“, рече во средата Дамир Хабијан, министер за правда, администрација и дигитална трансформација на Република Хрватска.
Од друга страна, Клиничко-болничкиот центар Загреб во четвртокот наутро соопшти дека биле нападнати и нивните системи и дека биле принудени да ги исклучат.
Хакерската група на својот профил на социјалната мрежа X објави дека нивна следна цел е Австрија.
Извор: (Vijesti.ba)
