По извршувањето на терористичкиот напад во концертната сала „Кокус Сити Хол“ во близина на Москва, криминалците планирале да ја преминат границата на Руската Федерација со Украина, имале релевантни контакти од украинската страна, објави во саботата Центарот за односи со јавноста на руското разузнавање Федералната служба за безбедност (ФСБ).
„По терористичкиот напад, криминалците имале намера да ја преминат руско-украинската граница и имале релевантни контакти на украинската страна“, се вели во соопштението на службата.
Како што се посочува, приведени се 11 лица, меѓу кои и четворица терористи кои директно биле вклучени во терористичкиот напад. Последните беа приведени во областа Брјанск во период од неколку часа. Во моемнтов тие се транспортираат во Москва.
Се наведува и дека се работи на откривањето на сите околности за нападот. Претходно веќе било утврдено дека станува збор за терористички напад кој бил внимателно планиран и со голема логистика.
„Оружјето што го користеа терористите било однапред подготвено во засолниште“, се додава меѓу другото во извештајот на руската ФСБ, коај претходно објави дека нападот врз посетителите на концертот бил планиран многу пред трагедијата.
Во петокот вечерта, на 22-ри март, се случи пукање во „Корукус Сити Хол“, концертна сала во предградие на Москва во која требаше да се доржи настап на рок-групата Пикник. Во сботата Министерството за здравство на Московскиот регион објави ажурирана листа на жртви, во која беа вклучени 121 лице, од кои 107 беа хоспитализирани.
Градоначалникот на Москва, Сергеј Собјанин, исто така нареди да се обезбеди сета неопходна помош на сите што беа повредени за време на пукањето во концертната сала. Неколку телефонски линии работат за поддршка и помош на населението во главниот град и московскиот регион.
Пратеникот на рускиот парламент Александар Хинштајн изјави дека напаѓачите побегнале со возило од типот „рено“ кое полицијата го забележала во областа Брјанск, околу 340 километри југозападно од Москва, во петокот вечерта, каде што не ја послушале наредбата да застанат. Тој додаде дека двајца се уапсени по полициска потера, а другите двајца побегнале во шумата. Според Кремљ, и второто дуо било фатено подоцна.
Хинштејн рече дека во автомобилот бил пронајден пиштол, списание за муниција на автомати и пасоши од Таџикистан. Таџикистан е претежно муслиманска централноазиска земја која била дел од Советскиот сојуз. Четворицата осомничени извршители на смртоносниот напад се движеле кон руската граница со Украина кога биле уапсени рано во саботата и имале контакти на украинска страна, објави Интерфакс во соопштението на безбедносната служба ФСБ. ФСБ соопшти дека нападот бил внимателно планиран.
Михаило Подољак, советник на украинскиот претседател, во петокот изјави дека Киев нема никаква врска со нападот.
Исламска држава ја презеде одговорноста за нападот, најсмртоносниот во Русија од заложничката криза во Беслан во 2004 година.
Пукањето се случи во петокот вечерта во концертната сала „Крокус Сити Хол“ во близина на Москва, каде што требаше да настапи рок бенд од советската ера.
На снимката, чија автентичност е потврдена, се гледа како луѓето седнуваат во салата, а потоа трчаат кон излезите додека во позадина се слушаат истрели и врисоци. Друго видео покажува мажи како пукаат во групи луѓе. Некои жртви лежеа неподвижни во локви крв.
„Одеднаш зад нас се слушнаа удари – истрели. Рафал – не знам што“, изјавил за Ruters еден сведок, кој сакаше да остане анонимен. „Почна стампедото. Сите трчаа кон ескалаторите. Сите врескаа, сите бегаа“, изјави очевидецот.
