НАТО ќе ја започне својата годишна нуклеарна вежба во понеделник, изјави генералниот секретар на Алијансата Марк Руте во четвртокот.
Борбени авиони „F-35А“ и бомбардери „B-52“ ќе бидат меѓу 60-те авиони од 13 земји кои ќе учествуваат на вежбата „Steadfast Noon“, чии домаќини се Белгија и Холандија, соопштија претставници на НАТО.
„Во неизвесен свет, од витално значење е да ја тестираме својата одбрана и да ја зајакнеме одбрана за нашите противници да знаат дека НАТО е подготвен и способен да одговори на секоја закана“, рече Руте во Лондон по средбата со британскиот премиер Кир Стармер и украинскиот претседател Володимир Зеленски.
„Целата вежба ќе се фокусира конкретно на Обединетото Кралство, Северното Море, но и Белгија и Холандија“, додаде тој.
Во вежбата не се користи борбено оружје. Но околу 2.000 воен персонал што учествува во вежбите ќе симулираат мисии во кои воени авиони носат американски нуклеарни боеви глави, изјавија официјални лица.
Вежбата ќе започне во понеделник и ќе трае околу две седмици, според официјални претставници на 32-члената трансатлантска воена алијанса.
Претставници на НАТО истакнаа дека нивната вежба не е одговор на неодамнешните изјави од Москва за промената на нејзината нуклеарна доктрина и дека вежбите се одржуваат секоја година повеќе од една деценија.
„Ние… не се прилагодуваме постојано на она што е кажано или не е речено во секој даден ден“, рече Ангус Лапсли, помошник генерален секретар на НАТО за одбранбена политика и планирање.
Но тој рече дека вежбите како што е „Steadfast Noon“ се важни за да се покажат нуклеарните способности на НАТО и да се одврати каков и да е напад.
„Настојуваме да ги одвратиме сите противници, а првенствено Русија, на неколку различни начини, вклучително и конвенционално одвраќање“, изјави тој за новинарите во седиштето на НАТО во Брисел.
„Но, тоа секогаш е поткрепено со нуклеарно одвраќање“, призна Лапсли.
Лапсли рече и дека НАТО во моментов е многу фокусиран на обезбедување на кредибилитетот и безбедноста на своето нуклеарно одвраќање.
