Холандскиот преоден премиер Марк Руте, кој се смета за најсериозен кандидат за нов генерален секретар на НАТО, изјави во петокот дека Европа би требало да престане да „цимоли“ поради можното враќање на Доналд Трамп во Белата куќа и наместо тоа да се насочи на јакнење на своите воени капацитети.
Изјавата Руте ја даде на безбедносната конференција во Минхен која се одржува во периодот на растечката загриженост во Европа дека САД, доколку Доналд Трамп се врати на претседателската функција по изборите во ноември, ќе бара до европските сојузници во НАТО поголеми вложувања во сопствената одбрана како и дека нема во толкав обем како досега воено да ја помага Украина во војната против Русија.
„Да престанеме да плачеме, цимолиме и приговараме. Не трошиме повеќе на одбраната и не го јакнеме военото производство затоа што Трамп би можел да се врати“, им се обрати Руте на државниците, дипломатите и воените експерти на годишниот собир во главниот град на Баварија./
Претседателката на Европската комисија, Урсула фон дер Лајен најави дека извршното тело на Европската унија за три седмици ќе ја претстави стратегијата за развој на воената индустрија.
„Европа мора да ја зајакне индустриската база… Јас сум убеден трансатлантист и во исто време мораме да ја градиме силната Европа. Тоа оди рака-под-рака“, изјави фон дер Лајен.
Тврдеше и дека Украина треба да биде вклучена во европските одбранбени програми, бидејќи Русија ја надминува Украина и по бројот на војници и по „брзата и валкано оружје произведено во Северна Кореја и во Иран“.
Меѓутоа, актуелниот генерален секретар на НАТО, Јенс Столтенберг, предупреди дека размислувањата за одбранбената автономија на Европа не смее да го ослабе трансатлантскиот воено сојуз,
Особено не помагаат разговорите за нуклеарното одвраќање во Европа коешто не би ги вклучувало САД, порача Столтенберг. „Тоа само би го ослабело НАТО во времето кога ни е потребно веродостојно одвраќање“.
Американската потпретседателка Камала Харис во петокот во Минхен ја бранеше позицијата на САД како глобален лидер и ги уверуваше сојузниците во НАТО дека Вашингтон ќе биде крај нив.
„Знам дека луѓето во Европа и во светот се прашуваат во врска со улогата на Америка како глобален лидер. Кога ќе се изолира Америка, заканите само растат. Мораме да ги браниме меѓународните норми и правила и да бидеме покрај своите сојузници“, истакна Харис.
