Американското министерство за финансии ги советуваше санкционираните руски банки како да ги сервисираат трансакциите за извод на нафта и гас во американски долари преку кредитни институции во трети земји.
Претходно во неделата американскиот државен секретар Ентони Блинкен изјави дека САД и нивните партнери во Европската унија разгледуваат воведување забрана за увоз на руска нафта, сепак истакнувајќи ја важноста од стабилност на глобалното снабдување со нафта.
Вашингтон воведе санкции на извозот на технологии за руските рафинерии и за гасоводот Северен тек 2, но засега сѐ уште не се целат руската нафта и гасот, имајќи предвид дека администрацијата на претседателот Џо Бајден сѐ уште го проценува влијанието на таквата одлука врз глобалниот нафтен пазар и цените на енергенсите, првенствено во САД.
Американците се најголемите светски потрошувачи на бензини поради тамошните големи автомобили, големите растојание кои се минуваат и недоволниот јавен сообраќај во некои области. Растот на цените на бензините отсекогаш било чувствително прашање за америкаснките политичари.
На мрежната страница на американското министерство се поставени објаснувања како најновите санкции против Русија, кои го таргетираат и енергетскиот сектор, влијаат врз трговијата со енергенсите во долари. Се појаснува дека и покрај издадената општа лиценца која ги исклучува трансакциите „поврзани со енергетиката“ од санкцитие, сепак, Американците ќе мора да прават премостување во трансакции и да не работат директно со санцкионираните руски банки.
Издадената лиценца го дозволува она што е „вообичаено познато како U-пресвртни трансакци (U-turn transactions)“, појаснува американското министерство за финансии. Во рамките на таквите трансакции плаќањата минуваат преку кредидни институции без санкции во трети земји, а оттаму одат на сметките во долари на руските компании во банките под санкции. Оваа шема се однесува на финансиските институции како ВТБ, ВЕБ, РФ, ФК „Откритие“, „Совкомбанк“, „Сбербанк“ и ЦБ, а ПСБ и „Новикомбанк“, против кои САД, исто така, воведуваат ограничувања, не се вброени во овој список.
Министерството за финансии појаснува дека плаќањата за руските енергетски ресурси може да ги прима извозникот во санционирана банка и од американски клиенти и од купувачи од трети земји. Лиценцата на министерството дозволува такви трансакции за купување нафта, нафтени деривати, гас, јаглен, дрва, биогорива и ураниум од Русија. Дозволени се и трансакции за увоз во Русија на опрема за течен природен гас или производство на нафта, доколку таквите набавки не се ограничени со санкциите носечени кој секторот.
Поради руската воена офанзива во Украина, Западот воведе нов круг санкции. Американските и британските санкци вклучуваат блокирање активни, забрана за трансакции во нивните валути и зделки со компании во двете земји, а со нив се опфатени ВТБ, „Совкомбанк“, „Новикомбанк“ и банката „Откритие“. Најголемата руска банка „Сбербанк“ е под други ограничувања, на американските финансиските институции им беше наложено да ги затворат сите нејзини резиднтни сметки и да се отфрлат сите трансфери во кои се вклучени.
Покрај тоа, санкциите се обликувани да ги спречат руските компании и банки во пристапот до финансиските пазари и привлекување акционерски капитал. Особено, на американските инвеститори им е забрането купување нови обврзници со рок на доспевање повеќе од 14 дена и акции на „Сбербанк“, „Газпромбанк“, „Роселхозбанк“, „Алфа-банка“ и „Московската кредитна банка“.
