Американската агенција за меѓународен развој го зголемува вкупниот планиран придонес од 8.258.792 долари на 56.610.000 долари за земјава.
УСАИД овие пари ќе ги додели во текот на следните 4-5 години за проекти за зајакнување на економската конкурентност, за зголемување на придонесот на младите во општеството и за проекти и програми за намалување на корупцијата.
Владата денеска информира дека за таа цел треба да се склучи нов усогласен текст на Амандманот бр.1 на Договорот за грант за партнерство за развој меѓу земјава и Соединетите Американски Држави, и го овласти министерот на финансии Фатмир Бесими да го потпише договорот.
