Администрацијата на американскиот претседател Џо Бајден е чекор поблиску до продажба на пакет оружје во износ од 680 милиони долари на Израел, изјави во средата американски функционер запознаен со планот, и покрај прекинот на огнот меѓу Израел и либанското шиитско движење Хезболах, постигнат со посредство на САД.
Пакетот, за кој прв објави Financial Times, вклучува илјадници комплети за муниција за директен напад (JDAM) и стотици бомби со мал дијаметар, рекол претставникот кој сакал да остане анонимен.
Најавата доаѓа помалку од ден откако договорот за прекин на огнот стави крај на најсмртоносниот конфликт меѓу Израел и милитантната група поддржана од Иран во последно време, но Израел сè уште се бори со својот втор непријател, палестинската милитантна група Хамас, во Појасот Газа.
Пакетот ќе следи по продажбата на борбени авиони и друга воена опрема на Израел во август 20 милијарди долари.
Агенција Reuters во јуни објави дека Вашингтон, најголемиот сојузник на Израел и снабдувач со оружје, му испорачил на Израел повеќе од 10.000 високо разорни бомби со тежина од околу 925 килограми и илјадници ракети „Hellfire“ од почетокот на војната во Газа во октомври 2023 година.
Во говорот доцна во вторникот, израелскиот премиер Бенјамин Нетанјаху ја наведе потребата од надополнување на резервите на оружје како една од причините за прекинот на огнот.
„И ова го кажувам отворено, не е тајна дека има големи доцнења во испораката на оружје и муниција. Овие доцнења ќе бидат решени наскоро“, рече тој.
На пакетот се работело неколку месеци.Некои сенатори изразија загриженост за пакетот поради загриженоста за хуманитарната катастрофа со која се соочуваат Палестинците во Газа.
