Се појави син на кралот на попот,Мајкл Џексон, кој тврди неговата мајка е инспирација за легендарниот хит „Billie Jean“.
TMZ објави дека според резултатите на ДНК анализата речиси 99 отсто е сигурно дека Брендон Хауард е син на Мајкл Џексон. Иако се уште не се знае во која лабораторија е направена ДНК анализата, светските медиуми тврдат дека примероците наводно се совпаѓаат. Анализата е спроведена со помош на забната протеза на Мајкл, која е купена на аукција.
Кралот на попот, мајката на Брендон, Мики, госпел пејачка, ја запознал во 1982 година. Таа тогаш била позната под името Били. Една година после нивната средба, Џексон ја испеа песната „Billie Jean“.
Текстот на песната зборува: „Били Џин не е моја љубовница. Таа е само девојка која тврди дека јас сум вистинскиот. Но, малиот не е мој син“.
Ако се верува на овие стихови Мајкл знаел за Брендон, но не сакал да го признае.
Мики дури го запознала и таткото на Мајкл, Џозеф Џексон. Наводниот син на пејачот сега започнува со својата музичка кариера.
Адвокатот на Мајкл Џексон, Хауард Вајџман изјави дека никогаш не слушнал за Брендон.
