Патот Куманово-Крива Паланка е во прекин поради сообраќајна несреќа, пишуваат граѓани на социјалните мрежи.
На Фејсбук групата „Ѕид на сообраќајниот срам“ е поставена фотографија на која се гледа дека на патот се случила сообраќајка.
Станува збор за камион, кој се удрил во карпа и се превртел. Камионот бил натоварен со плочи од иверка, кои се расфрлани по патот.
Од МВР потврдија дека сообраќајната несреќа се случила околу 12.20 часот, кога кај нив бил пријавена незгодата. Станува збор за камион„ сканија“ со скопски регистерски ознаки. Возачот на камионот, С.М. е тешко повреден и пренесен во болница.
Истражните екипи вршат увид на местото и ги утврдуваат причините за сообрачајката.
