Се растура платеничкиот логор на „Вагнер“ во Белорусија ?

Сателитски фотографии од „Планет Лабс“ кои ги објави Радио Слободна Европа (РСЕ) покажуваат дека шаторскиот камп во близина на белоруското село за кој постои сомневање дека е изграден од платеници на „Вагнер“ групата, се демонтира.

Фотографиите направени од „Планет Лабс“ во средата покажуваат дека 101 од 273 специјализирани воени шатори, каде што еден шатор може да собере 20 луѓе, се растураат.

Тоа би значело дека просторот за нешто повеќе од 2.000 ловци „Вагнер“ ќе биде укинат. Се верува дека на таа локација биле стационирани околу 5.000 војници. Не е јасно дали и каде се преместуваат шаторите и Вагнерите, пренесува „Бета“.

Фотографиите од „Планет Лабс“ укажуваат на тоа дека процесот на демонтирање на кампот најверојатно започнал на 1-ви август.

Можно е некои од војниците на „Вагнер“ да бидат преместени на други места во Белорусија, бидејќи претходните фотографии на „Планет Лабс“ покажаа дека се ископани ровови на територијата на воениот полигон Реписха, кој се наоѓа на 15 километри од селото Цел.

Најновите сателитски снимки од „Планет Лабс“ беа објавени истиот ден кога руските воздухопловни власти соопштија дека основачот и лидер на „Вагнер“, Евгениј Пригожин се наоѓа на списокот на патници на авионот што се урна во западниот руски регион Твер, на околу 270 километри северно од Москва.