Најмалку 20 лица се повредени во судар на патнички воз и локомотива во јужен Египет, соопштија здравствените власти. Несреќата се случила во провинцијата Миња, 270 километри јужно од Каиро, кога локомотива удрила во задниот дел на возот кој возел кон главниот град на Египет, соопшти националната железница, пренесе агенцијата АП.
По судирот, два вагона од возот паднале во блискиот поток. Причината за несреќата се истражува, се додава во соопштението.
Министерството за здравство на Египет во посебно соопштение наведува дека најмалку 20 лица се префрлени во болници.
Како што потсети АП, ова е втора железничка несреќа во оваа држава за краток период откако во септември се судрија два патнички воза, кога загинаа три лица.