Турските власти денеска соопштија дека пет деца и една жена се удавиле кога грчката крајбрежна стража пресретнала чамец полн со мигранти и ги оставила во вода на сплавовите во близина на брегот на Турција, тврдење кое Грција го негираше.
Бродот превезувал мигранти од Либан во Италија.
Меѓу жртвите има и две бебиња, се наведува во соопштението на турската крајбрежна стража. Спасени се 73 лица, а пет се сметаат за исчезнати.
Грчката крајбрежна стража објави дека „категорично ги негира“ турските тврдења за „наводна вмешаност во инцидентот што доведе до смрт на шестмина мигранти во морската област Мармарис, во турските територијални води“.
