Од 1. август, цената на струјата во Србија ќе се зголеми за 12 отсто. Во поскапувањето е вклучена и акцизата.
„Знаеме дека тоа ќе биде дополнителен удар за буџетот на граѓаните. И покрај поскапувањето на струјата, во Србија нејзината цена е пониска од опкружувањето и во Европа“, вели за „Блиц“, министерот за рударство и енергетика, Александар Антиќ.
тој најави дека социјално загрозените месечно ќе имаат од 120 до 250 киловат часови бесплатно.
Министерот истакнал дека очекува поскапувањето на струјата и акцизите ќе го зголемат буџетот за 14,1 милијарди динари на годишно ниво.
Нема нови работни места без вложување во електростопантвото
Антиќ наведува дека е свесен дека никогаш не е добар момент за зголемување на цената на електричната енергија и укажува дека електроенергетскиот систем и електростопанството потребно е да останат стабилни.
„Нема отворање на нови работни места и фабрики ако не се вложува во електростопанството“, вели Антиќ.
Тој вели дека цената на струјата во Србија ќе остане најниска во Европа и наведува дека ќе биде 15 отсто пониска од цената на струјата во Македонија и 50 отсто пониска од цената на струјата во Црна Гора.
Корекцијата на цената е планирана поради аранжанот што Србија го потпиша со ММФ.