Граѓаните се слободни сами да одлучуваат за кого ќе гласаат во вториот круг, вели претседателот на Алијанса на Албанците, Зијадин Села во интервју за 360 степени.
Алијансата за Албанците заедно со движењето Беса застанаа зад кандидатурата професорот Блерим Река, кој доби над 70.000 гласови во првиот круг од претседателските избори. Гласовите на Река ќе бидат одлучувачки за вториот круг во кој влегоа Стево Пендаровски и Гордана Силјановска Давкова, речиси израмнето.
Села не одговара конкретно на прашањето дали ќе излезе на гласање на 5-ти мај и вели дека тоа ќе се види на денот на гласањето.
Граѓаните треба да одлучат дали ќе гласаат и за кого. Ние имавме само еден кандидат. Конечниот став ќе го имаме по седница на централното претседателство следната недела. Но лично јас како претседател на Алијансата, пораките што ги имав за пренесување, а бев многу јасен, ги дадов во кампањата додека имавме кандидат за претседател. Нашата изборна кампања заврши во неделата на 21 април кога ги дознавме резултатите. Кој ќе биде ставот на Алијансата ќе се дознае по седницата на претседателството на партијата. Но нашиот принцип е дека се уште не е дојдено време албанските гласови да одат за македонските политички партии, рече вели Села
Додаде дека седницата на претседателството на партијата ќе се одржи во среда или четврток следната недела, односно само неколку дена пред одржување на вториот круг
