Во последниот натпревар од 24-то коло на италијанската Серија А, Интер пред своите гледачи во понеделникот вечерта ја совлада Фиорентина со 2:1 и на тој начин ѝ се одмазди за минатонеделниот пораз.
Пред само четири дена овие два тима го одиграа заостанатиот прекинат првенствен натпревар од првиот дел во Фиренца, а Фиорентина победи со убедливи 3:0.
Со денешната победа и со ремито на Наполи против Удинезе во неделата, Интер се доближи до лидерот Наполи на табелата. Сега ги дели само еден бод. Фиорентина пред овој пораз имаше серија од три првенствени победи и остана на шестото место.
Интер поведе во 28. минута, благодарение на многу среќа, но и по грашка на судијата кој досуди непостоечки корнер. По изведувањето на ударот од аголот, топката го погоди хрватскиот играч Марин Понграчиќ и влезе во мрежата на гостите. Фиорентина сепак не замина со негатива на полувремето, откако пред крајот на првиот дел беше досуден пенал во нејзина полза, а Мандрагора го реализираше за 1:1 во 44. минута.
Во 52. минута Интер повторно поведе, а стрелец беше Арнаутовиќ кој лесно со глава од непосредна близина погоди за 2:1. Резултатот остана непроменет до крајот, иако Интер беше многу поблиску до трет гол отколку гостите до израмнување.
