Северна Кореја планира повторно да започне со воени вежби на границата со Јужна Кореја и да исправи трупи во областите кои претходно беа заеднички локации за индустријата и туризмот, а комуникациите по еднострано целосно прекинатите врски меѓу Пјонгјанг и Сеул веројатно продолжуваат преку разузнавањата на двете земји.
Според плановите, воени единици би биле испратени во индустрискиот комплекс во пограничниот град Кесонг и во планината Кумганг, на источниот брег, соопшти во средата севернокорјската армија, според новинската агенција KCNA. Се додава дека се планира и повторно воспоставување стражарски пунктови во воената тампон зона меѓу двете земји.
Пјонгјанг соопшти дека ја одбил понудата на Сеул за испраќање специјален претставник во мисија за смирување на тензиите. Ким Јo Џонг, влијателната сестра на севернокорејскиот водач Ким Џонг-ун, ја обвини Јужна Кореја дека дала „нетактичен и злонамерен предлог“, се наведува во соопштението кое го пренесе севернокорејската службена агенција KCNA. Рече дека наместо тоа Сеул мора „да преземе соодветни акции за возврат и да се смири, строго контролирајќи ги зборовите и делата која продолжуваат да нѐ провоцират“, алудирајќи притоа на кампањата за пропагандни летоци кои ја предизвикаа ескалацијата на тензиите меѓу двете земји.
Севернокорејски пребези на Југот и активисти кон крајот на мај испратиа околу половина милиони пропагандни летоци во Северна Кореја во кои го осудуваат Ким Џонг-ун. Пјонгјанг реагираше со прекинување на сите комуникации со Сеул, вклучително и на директната линија меѓу раководствата на двете земјиа, а во вторникот со експлозија го уништи меѓукорејското биро на својата територија во Кесонг.
Во средата јужнокорејската новинска агенција Yonhap ја изнесе претпоставката дека линијата за комуникацијата меѓу специјалните служби на Северојот и Југот веројатно ќе продолжи да функционира, откако Пјонгјанг ги прекина сите други комуникациски канали.
Претпоставките на агенцијата се засноваат на извештајот на севернокорејската агенција KCNA дека Северна Кореја во понедениколот го отфрлила предлогот на Југот да испрати двајца специјални претставници во Пјонгјанг за договарање за намалување на тензиите. Притоа, ниту двете земји не известија како бил доставен овој предлог, кој официјално го потврдија, сепак Yonhap смета дека е речиси веројатно дека тоа е направено преку линијата којашто ги поврзува разузнавачките агенции на вете земји воспоставена по првиот меѓукорејски самит во 2000 година.
